තනියම එන අපි

(තනියම එන අපි තනියම යන්නෙමු 
නැත මෙහි නවතින්නේ...//)  
කොපමණ තිබුනත් කල හොඳ නරකයි 
යන කල ගෙනියන්නේ 
තනියම එන අපි තනියම යන්නෙමු 
නැත මෙහි නවතින්නේ

(සටනට වැදුනේ ලේ සෙලවූයේ 
අපමණ දිවි නැසුවේ...//)
මිතුරන් නැතිවියේ සතුරන් ඇතිවියේ 
(මොනවද ඔබ ලැබුවේ...//)

තනියම එන අපි තනියම යන්නෙමු 
නැත මෙහි නවතින්නේ

(පුතු සැනසෙව්වද බිරිඳට සැනසුම 
දුන්නද සැමියෙකු සේ...//) 
ජීවිතයම ඔබෙ ඔබට බරක් විය 
(තනිවුනි මෙලොව කුසේ...//) 

තනියම එන අපි තනියම යන්නෙමු 
නැත මෙහි නවතින්නේ

(එකම හදක් ඔබ සතුටු කලෙහි නම් 
ඉන් නැත හිතට සුවේ...//) 
එහෙම දෙයක් නැත ඔබට මැරෙන්නත් 
(නිදහස නොමැත ලොවේ...//)

තනියම එන අපි....