තහනම් ද හමුවන්නට

තහනම් ද හමුවන්නට ඔයාව හීනෙකින්වත් ආයෙමත්
හිතේ කහටක් තිබුනේ නෑ මට ඇත්තමයි ඔබ ගැන තවත්
කවුරුවත් ආදරේ නොකල මට දැනෙන තනිකම මහමෙරක්
අනේ ඔබවත් පෙම් කලානම් දුකක් අද මට නෑ තවත්

කඳුළු වැටිලා කම්මුලත් තෙත් වීලා
මතක පෙරදා හිත් කොනේ දඟ කරලා    
නැවත ගන්නට නොහැකි තරමට ආදරේ බොඳවී ගියත්
අනේ ඔබවත් පෙම් කලා නම් දුකක් අද මට නෑ තවත්

හිත උතුරනා සෙනෙහසක පැටලීලා 
නෙත අහනවා ඔබ කොහේද කියලා
නැගිට ගන්නට බැරිම තැනටම ජීවිතේ වැටිලා වුණත්
අනේ ඔබවත් පෙම් කලා නම් දුකක් අද මට නෑ තවත්

තහනම් ද හමුවන්නට ඔයාව හීනෙකින්වත් ආයෙමත්
හිතේ කහටක් තිබුනේ නෑ මට ඇත්තමයි ඔබ ගැන තවත්
කවුරුවත් ආදරේ නොකල මට දැනෙන තනිකම මහමෙරක්
(අනේ ඔබවත් පෙම් කලානම් දුකක් අද මට නෑ තවත්)..//