සිනහමල් කිනිත්තී

පි: සිනහමල් කිනිත්තී
පින්නෙන් තෙමී
හිමිදිරියේ සීතෙන් ගැහිගැහී

ගැ: පැහැසර අරුණක දැවටිලා
උණුහුමත් අරන් එනවනම්
මග බලා හිඳින්නම්
නුඹ එන තුරා .....

පි: හද සමන් මල් පිපී
ගිම්හානයක් සැනසවී
ඔය නුවන් තරු එළී
මං කියන්නෙද මට යළී

ගැ: නොසිඳෙනා සෙනෙහසින්
මගෙ සුසුම් නුඹ අරන්
ඇරඹුමයි මේ අපේ
වෙන් නොවී ඉමු ඉතින්

ගැ: සිත වාවනු දැනී
කඳුළු සුවපත් වූ හැටී
පුදුමයි ජීවිතේ
සොඳුරු අරුතක් වූ හැටී

පි: දිවිතුරා දුක දරා
නොහඬවා ඔය කොපුල්
රැකගමී ආදරෙන්
ඔබ පැතූ ලොව විසල්