ඔබ පෑව හසරැල්ල

ඔබ පෑව හසරැල්ල මට තේරුණා
ඒ රන් සිනා රැල්ලෙ රස බේරුණා
සෙවනැල්ල ලෙස ඉන්න මම දන්නවා
ඔය දෑත මට දෙන්න මම ගන්නවා //

හොරෙන් බලා යන්නේ නොබලා වගේ
මම දන්නවා සොඳුර මැණිකේ අගේ
සතුටයි දුකයි හොඳට පුරුදුයි ප්‍රියේ
මට දෙන්න ඔබේ ආදරේ පිළිගන්න මගේ ආදරේ

ඔබ පෑව හසරැල්ල ...

හැඟුමක් තිබේ තනිවි සඟවන්නෙපා
දිළිඳු ඔබේ දෑස හඬවන්නෙපා
සඳ සේ සිනාසෙන්න සඳමාලියේ
පෝදාට සඳ පෑ ලෙසේ පිහගන්න කඳුළැල් ඇසේ

ඔබ පෑව හසරැල්ල ...