හිරු කුමරුයි සඳ කුමරියි

හිරු කුමරුයි සඳ කුමරියි ඉස්සර කාලේ
ආදරයෙන් කල් යැවුවා
අහස් ග‍ඟේ මැණික් දූපතේ
තරු වටකර රුවන් විමානේ

ඒ කාලේ මේ වාගේ
රෑ දාවල් වෙනසක් නෑ ...//

හිරු කුමරුගෙ රන් පාටයි
සඳ කුමරිගෙ පින් පාටයි...//
එකතු වෙලා දවස දෙවේලේ - ගලා ගියා
සහන් එළිය පොළව මුළුල්ලේ

දවසක්දා හිරු කුමරා කුමරිය හා කෝප වෙලා
දවසක්දා හිරු කුමරා කුමරිය හා කෝප වෙලා
අසරණ ඈ විමානයෙන් පිටමං කර දැමුවා

එදා ඉදන් මේ දක්වා
ළසෝ දුකින් කළු පොරවා...//
හිම කඳු මැද පාලු වනාතේ ඇය ඉන්නේ
හිරු නොපෙනෙන අඳුරු ගුහාවේ

හිරු කුමරුයි සඳ කුමරියි ඉස්සර කාලේ
ආදරයෙන් කල් යැවුවා
අහස් ගඟේ මැණික් දූපතේ
තරු වටකර රුවන් විමානේ
හිරු කුමරුයි සඳ කුමරියි ඉස්සර කාලේ
ආදරයෙන් කල් යැවුවා

අහස් ගගේ මැණික් දූපතේ
තරු වටකර රුවන් විමානේ

හිරු පායන උදෑසනේ
ඇයගේ දෑසේ
එදා පටන් බිංදු බිංදු
කඳුළු උනනවා
ඒ කඳුළැලි බොල් පිනි වී පොළව තෙමනවා