ගාමිණී පැරකුම් රජවරු

ගාමිණී පැරකුම් රජවරු බිහි කල මගේ රට ලංකාවයි 
සීගිරි සිතුවම් ලොවටම ගෙනදුන් මගේ රට ලංකාවයි
යහමග සැම විට අප හට පෙන්නූ මගේ රට ලංකාවයි 
පෙරදිග මුතු ඇට නමගත් සිරිබර මගේ රට සිරි ලංකාවයි....

දවස පුරා සොමි බුදු රැස් විහිදෙන බුදු සිරිපා කන්දේ 
මෙත් කරුණා පෙන්නූ උතුමන් දෝත නඟා වැන්දේ
හැම හදවතකට උණුසුම දුන් එම සීතල කඳු මුදුනේ 
මගේ මුළු රටටම අලුත් ඉරක් පායන බව මට දැනුනේ...

සමනල මුදුනින් ඇරඹුණු ගමනින් බැස යන මහ ගංගා 
මගේ රට සරු කොට කෙත්වතු පසුකොට යයි ජය හඬ නංඟා 
කඳු යට සැඟවුණු මිණිකැට ඔපවී බැබළෙන සිරි ලංකා
අප රට අපගේ වගකීමයි අපි රැකගමු සිරි ලංකා.....