හිරු නැගෙනා රූ මවනා

හිරු නැගෙනා රූ මවනා 
මන බඳිනා ගී ගයනා 
බෙර හඬිනා නද සුගනා 
තුන් හෙළයම පිබිදෙන්නා 
කුරුළු හඬට හිත සනසා 
ගොදම්බ හඬ රැව් දෙන්නා 
හිරු මඟුලට පෙම් බඳිනා 
නුඹ ලඟින්ම මා ඉන්නා 

හිතේ අරුම කියාගන්න සිටිනා 
තැන කොතැනා 
කිරි උතුරන අරුණැල්ලට 
අගනා රූ මැව්වා 
ඵල දරනා රන් ගොයමෙන් 
සෙනෙහස උතුරන්නා 
වසන්තයට මල් වැස්සක් 
නුඹදැයි මට හිතුණා 

හිරු දෙවිඳුනි හිනාවෙන්න 
හිතේ සතුට පිරුණයි 
නෙතට හොරෙන් හිත අද්දර 
කොහෝ හඬක් රැඳුනයි 
අලුත් සහල් කිරි බතකට 
පෙම් පුරන්න හැකිවයි 
නුඹේ හුරතල් හීන අරන් 
හිනාවෙන්න හිතුණයි 

රූ වරුණා වද බඳනා 
සිත සනසා නෙතු නළවා 
හිරු මඟුලට හිනැහෙන්නයි//

හිරු නැගෙනා රූ මවනා....

ඇලේ දොළේ පැන දුවන්න 
තනියක් මට නැතුවා 
තිලක තියන් හිනාවෙන්න 
නුඹමැයි රූ අගනා 
හිතවත්කම් අස්වද්දන් හිරු එළි පායන්නා 
හෙට දවසට කිරි උතුරන 
සිතුවිලි හිනැහෙන්නා  

හිරු දෙවිඳුනි හිනාවෙන්න....