ලතා මඩුල්ලක් කතා කරනවා

ලතා මඩුල්ලක් කතා කරනවා සෙවණට එන්න කියා
මේ මල් උද්‍යානේ නවතිමු හැන්දෑවේ…
වලා කැරැල්ලක් ඔහේ ඇදෙනවා බෑ නවතින්න කියා
මේ මල් උද්‍යානේ වෙන් වෙමු රෑ බෝවේ…

වෙන්වී යන්නේ රෑ තනි යාමේ තනිකම නොදැනේදෝ 
ඒ තනි යාමේ තනිය මකන්නේ මතක සුවඳ නේදෝ 
උදයේ හමුවී හවසට වෙන්වී යළි හෙට හමුවේදෝ 
සදහට නැවතී ඉන්නට එන්නම් දෙසිතක් නෑ නේදෝ…

ලතා මඩුල්ලක් කතා කරනවා….

රන් තරු යායේ සඳ පායන්නේ අප දැකලා නේදෝ  
ඒ හඳපානේ අප හමුවන්නේ හෙට දිනයේ නේදෝ  
කල් බලමින්නේ අතැඟිලි ගැන්නේ හමුවන තුරු නේදෝ 
මුදු පළදින්නේ මුතු කරලන්නේ නැකැත් බලා නේදෝ…

ලතා මඩුල්ලක් කතා කරනවා…