රහසක් කියයි ඈ නිමල සිතින් මට

රහසක් කියයි ඈ නිමල සිතින් මට
දෙනුවන් කියයි ඒ රහසේ සැබෑ වග
එනමුත් මුවින් ඈ නොකියයි වදන් ලෙස
හැගුමින් පිරි යයි දහසින් මගේ  සිත//

අවිහින්සකයි ඇගේ පිරිපුන් සිනා පොද
සතුටින් පිරි යයි සැමදා මගේ සිත
හිමිවෙයි ඇගේ පෙම නුදුරු දිනේ මට
පවතියි සදාකල් සිහිනේ මගේ සිත
රහසක් කියයි ඈ නිමල සිතින් මට ...

සන්සුන් බවින් පිරි ඇගේ ජිවිතේ වත
සිතට සිතේ මගේ අචලයි ඇගේ පෙම
හිමිවෙයි ඇගේ පෙම නුදුරු දිනේ මට 
පවතියි සදාකල් සිහිනේ මගේ සිත 

රහසක් කියයි ඈ නිමල සිතින් මට ...