ඔබ අහස උණේ

ඔබ අහස උණේ මා රිදවා දුක් දෙවන්නද
එහි කඳුළු ලෙසින් මගෙ නෙත් යුග තෙත් කරන්නද
ඔබ දුරක ගියේ මා හැරදා යළි නො එන්නද
ඔබෙ මතක අතර පමණක් මා තනිකරන්නද

නුඹ සයුර උණේ වෙරළේ මා හැර ඇදෙන්නද
හැදු සිහින මාළිගා වැල්ලේ දිය කරන්නද
යළි යළිත් මා සොයා ඇවිදින් මා පෙලන්නද
දල රළ පහරට දුර ගෙනගොස් හැරදමන්නද

නුඹ පොළව උණේ මගේ සිරුරේ බර දරන්නද
මා මිහිදන් වන දිනයක් මගෙ හිස සිඹින්නද
ඔබෙ උරහිස මත එක මොහොතක් හිස තියන්නද
පෙර හුරු සුවඳට ආයෙත් මා පෙම් කරන්නද