මිදුලේ සුදු වැලි තලයේ

(මිදුලේ සුදු වැලි තලයේ මිරිවැඩි සඟලක සලකුණු...//)
දැක මා හද පතුලේ සැකයකි උපදින්නේ
මා නිවසෙහි නැති අතරේ කවුරුන් හෝ පැමිණි තිබේ
(කවුරුද ආවේ නිවසට කවුරුද ආවේ...//)

(බිරිඳට සොහොයුරන් නොමැත මා සොයුරුද අසනීපෙනි...//)
මගේ යහළුවෙක් නිවසට ආවද මන්දා
ඊයෙත් හැන්දෑ වරුවේ මා එනවිට මිදුල පුරා
(තිබුණා මිරිවැඩි සලකුණු කාගෙද මන්දා...//)

මිදුලේ සුදු වැලි තලයේ .....

(අවුල්ව ගිය මනසින් යුතු මා නිවසට ගොඩවැදුනා...//)
මගෙ නෙත ගත සිත වෙහෙස වූ රහස හෙළි වුණා
මගේ පාවහන් පළදා සුරතල් පුතු ඇවිදිනවා
පුංචි දෙතොල් අතරින් කිරි සිනහා මතුවුනා
(එවන් සිනහ මල් දුටු සඳ වෙහෙස දුරුවුනා...//)