Home/Songs/සුකිරි බටිල්ලන්ගේ ගීතය (සොඳුරු දසුන්)

සුකිරි බටිල්ලන්ගේ ගීතය (සොඳුරු දසුන්)

Sukiri Batillange Geethaya (Sonduru Dasun)

Music: රෝහණ වීරසිංහ Lyrics: සුනිල් ආරියරත්න
Font size:
සොඳුරු දසුන් ඇස තවරා ඇස සනසා ගනිල්ලා 
මියුරු බොජුන් දිව රඳවා දිව පිනවා ගනිල්ලා 
උදේ හවා දෝත නඟා එතෙරට වැද පුදල්ලා 
කන්ට දෙතොත් බොන්ට දෙතොත් රට උගසට දියල්ලා 

වාසි පිලට හුරේ දමා පිළෙන් පිළට යමල්ලා 
බීපු ලිදේ දිය බොරකර මූදට ආ වඩල්ලා 
දණින් වැටී නළල ඔබා නිළතල අරගනිල්ලා 
කල දුටු කල වළ ඉහගෙන මඩි තරකර ගනිල්ලා 

දෙස බස රැස සුරකින ගරු වියතුනි මෙහෙ වරෙල්ලා 
කව් සිළුමිණ අමාවතුර කසල ගොඩට දමල්ලා 
සුකරි බටිල්ලන් එක්කලා බයිලා පොලට ඇවිල්ලා 
රව්කින්නා තාල අනුව කපිරින්නා ගයල්ලා

Data

Last updated May 2026

Mathaka logoMathaka | මතක

A free, open, community-driven database preserving Sri Lankan Sinhala song lyrics for future generations.

ශ්‍රී ලාංකික සිංහල ගීතය රැකගැනීම සඳහා.

About

  • Open DataODbL
  • Community Maintained
  • 10,501 Songs

© 2026 Mathaka. Data licensed under ODbL.

Open. Accurate. Eternal.