තිලෝ තිලක

තිලෝ තිලක ලෝක නාථ සම්බුදු සමිඳේ 
(පුදා වඳිම් හද බැති මල් ඔබ පා කමලේ)...// 

මෙත් මුදිතා කරුණා ගුණ සයුරද පරදා 
තිලොඅග හිමි බුදු බව ලැබ කෙලෙසුන් හැරදා 
දෙසූ දහම් කඳ දම්සක් සුතුරින් අරඹා 
(ඇසේ දසත මුළු ලොව සත යහමග හරවා)...// 

ලුම්බිණි සල් උයනේ විකසිත මල් අතරේ 
සමනලයින් ගුණ මුමුනා යන එන ගමනේ 
සියොතුන් ගී නගන විටදි අමතක නොකලේ 
(සදා වඳින ලෝක නාථ සමිඳුගෙ නාමේ)...//

තිලෝ තිලක ලෝක නාථ සම්බුදු සමිඳේ 
(පුදා වඳිම් හද බැති මල් ඔබ පා කමලේ)...//