මල් මල් හීනය

(මල් මල් හීනය හීතල උදයේ
පැල්පත් මීදුම මැද රැඳිලා
නිල්වන් අහසේ පින්බර යුගයක 
රන්වන් රන්වන් හිරු නැගිලා...//)

සමනල කන්දේ කරුණා ඇල්ලෙන් තුන් සිංහලයේ වැව් පිරිලා
මුණි තුන් සරණේ ආසිරි වැස්සෙන් සිතුවිළි කතරේ මල් පිපිලා

මහ සාගරයේ මේ රන් දිවයින මී අඹ ගෙඩියකි අවාරයේ
ඒ අඹ ගෙඩියේ මී මැස්සන් අපි නිබඳව හිනැහෙන දිවා රැයේ

දෙදහස් පන්සිය වසරක් දුර සිට සිල්ගුණ වැගිරෙයි නිරන්තරේ
මංගල සමයක තොරතුරු ලියැවෙයි සිංහල වංශයෙ කතන්දරේ

මල් මල් හීනය හීතල....//
(රන්වන් රන්වන් හිරු නැගිලා...////)