සිනාසෙන්න බෑනේ

හැඟුම් මත් කළා ඒ නුරා දෑසේ මායා 
නැගූ මල් සිනා හද පුරා සුවඳ දීලා 
ඉගිලී ගියාදෝ සයුරෙන් එහා 
දුර යන්නේ හැංගෙන්නේ මගේ හිත දවාලා

සිනාසෙන්න බෑනේ ඔබේ සුවඳ නෑනේ 
කොහේදෝ මා දමා ඉගිලුනේ // 

නිල්වන් ගැබේහී සඳ හැංගුනා සේ 
ඔබ එයිද ආයේ දෑස පේන මානයේ 
මල පරවුනා සේ නොපිපේද ආයේ 
හද රැන්දු සිහිනේ බොඳ වෙයිද මාගේ 
හද විලම සනසන්න දුක මගේ නිවාලා

සිනාසෙන්න බෑනේ.... // 

සංසාර හීනේ ඔබ නේද මාගේ 
මේ පෙම් කතාවේ ගිනි ඇවිලිලානේ 
හමුවන්න ආයේ පෙරුමන් පුරන්නේ 
ගිනි දැවෙන ලෝකයේ මං තනි වෙලානේ 
මුණ ගැහුන තැන තාම මම ඉන්නවා 

සිනාසෙන්න බෑනේ.... //