Home/Songs/සිරිලක පිරි අවුරුදු සිරි

සිරිලක පිරි අවුරුදු සිරි

Sirilaka Piri Awurudu Siri

Music: උදාර සමරවීර Lyrics: ඩිලාන් ගමගේ
Font size:
මේ අවුරුද්දේ කිරි ඉතිරෙන්ටයි 
රටවැසියන්ගේ ආයු වැඩෙන්නයි

රට පුරාම අවුරුදු සිරි මේං බලන් එරබදු මල්
බක් මාසේ මංගල්ලේ ගමට ඇවිල්ලා 
මීන රාශියෙන් හෙමිහිට මේෂ රාශියට පැමිණෙන
හිරු දෙවිඳුගේ මංගල්ලේ මේං බලල්ලා.....
(සිතඟේ පැතුම් ඉටු වේ මුවගේ සිනා වෑහේ
සිරි ලක පිරි අවුරුදු සිරි මේ.....//)

ගමේ ගැටවු ගැටිස්සියන් ගම් මැද්දේ රංචු ගැසී
අවුරුදු ජන කෙළි අතරේ කරක් ගහන්ටා
ආච්චිගේ තාච්චියේ හැඩට නටන කොණ්ඩ කැවුම්
රහ බලන්ට වරෙව් වරෙව් මෙහෙට වරෙල්ලා
(සිතඟේ පැතුම් ඉටු වේ මුවගේ සිනා වෑහේ
සිරි ලක පිරි අවුරුදු සිරි මේ.....//)

අටු කොටු සරු වෙන්ටයි..//
දොම්නස් දුරු වෙන්ටයි 
පහුගේ දොහේ අඬර දබර දුරු වෙලාම යන්ටයි
සිතඟේ පැතුම් ඉටු වේ මුවගේ සිනා වෑහේ
සිරි ලක පිරි අවුරුදු සිරි මේ

කුඹුක් ගහේ ඔන්චිල්ලේ නැගෙනා වාරම් මැද්දේ
ආං බලන් ටිකිරි නගා රන් ඔන්චිල්ලේ
වැඩ නැකතේ වැඩ ඇල්ලේ මුළු ගමේම හරි සද්දේ
නැකැත් වෙලාවත් කිට්ටුයි වරෙව් ළමයිනේ
(සිතඟේ පැතුම් ඉටු වේ මුවගේ සිනා වෑහේ
සිරි ලක පිරි අවුරුදු සිරි මේ....//)
(සිරි ලක පිරි අවුරුදු සිරි මේ....////)
Mathaka logoMathaka | මතක

A free, open, community-driven database preserving Sri Lankan Sinhala song lyrics for future generations.

ශ්‍රී ලාංකික සිංහල ගීතය රැකගැනීම සඳහා.

About

  • Open DataODbL
  • Community Maintained
  • 10,501 Songs

© 2026 Mathaka. Data licensed under ODbL.

Open. Accurate. Eternal.