ඉර පායා ඉර අවරට යන්න

ඉර පායා ඉර අවරට යන්න කලින් කියන් ලදේ
සඳ පායා සඳ අවරට යන්න කලින් කියන් ලදේ
තරු පායන නෙත් සඟලින් ඉඟි කර කර කියන් ලදේ
කැකුළු සිනහා මල් පීදෙන මුව මඩලින් කියන් ලදේ

පාන්දරින් පාන්දරට නුඹ දකිනා සිතක් ඇතේ
යාන්තමින් ඇස හැරලා නුඹ වෙලනා සිතක් ඇතේ
සිහින් හඩින් මුව පුබුදා නුඹ අමතන සිතක් ඇතේ
කියන් ලදේ අඳුනන්නිද නුඹ වෙත බැඳි සිතක් ඇතේ

බැලු බැල්ම මඟ හැරලා වෙනතක් දෙස බලන්නියේ
පෙලු සිහින පොට හැරලා සිත වටලා දුවන්නියේ
කියූ කියුම සවන නොලා මට ගොළුවත රකින්නියේ
කොහේ ද නුඹ සිත රැදුනේ මගේ සිත නොහඳුනන්නියේ

ඉර පායා ඉර අවරට ........