අවුරුදු ගීතය

(එරබදු මල් පොකුරු ගැහේ...//)
(නැකැතට වැඩ කරන රටේ....//)
නාඹර කිරි කවඩි සිනා පා
(පේ වෙමු සුභ නැකැත බලාලා....//)

එහෙනුත් වරෙල්ලා මෙහෙනුත් වරෙල්ලා
එකමුතු වෙන්න මේ වගේ
(සිංහල අවුරුද්ද ඇවිල්ලා...//)

(චක් ගුඩු පැනලා කරණම් ගහලා
වෙල් ඉපනැල්ලේ දුවලා...//)
(නෑගම් යනවා මේ බක් මාසේ 
කාටත් ආලය පාලා....//)
ආයුෂ වඩලා හිත තෙල් ගෑවා 
පාමුල දිව ඔසු දාලා

එහෙනුත් වරෙල්ලා....

(වාරම් ගයලා මේ රන් නිල්ලේ තාලෙට රබන් ගසාලා...//)
(පායුග වැඳලා දෙගුරුන් ගාවා සිරිතට වැඩ අල්ලාලා...//)
ලිප ගිනි මොළවා හිරු දෙවි වැඳලා රටටම කිරි ඉතිරීලා

එහෙනුත් වරෙල්ලා.......
(සිංහල අවුරුද්ද ඇවිල්ලා...//)