සැළලිහිණි කොවුල් හඬ

සැළලිහිණි කොවුල් හඬ රැව් දෙන්නා
මහ උයනක සිරි ඉතිරේ
මුව රැල අතරේ වග වළසුන්ගේ
රඟ මඬලකි මේ උයනේ

(නීල කොබෝ රෑන ගිරා
පිල් විදහා රඟනා මොණරා)..//
(කට ඇද කිරළා සහ වලි කුකුළා
හොට දිග පිළිහුඬුවා)..//
අප දැකලා බිය වැදිලා තරඟෙට හඬ නැගුවා

සැළලිහිණි කොවුල්....

(කොළ දිවියා රළු කොටියා
කපටි රජා නම් ලද හිවලා)..//
(විසකුරු පොළඟා මිනි කන කිඹුලා
පොතුහැර කබරගොයා)..//
රට පිඹුරා ළඟම නයා දරණ ගසා සිටියා

සැළලිහිණි කොවුල්....