වැලි බත් ඉව්වා

වැලි බත් ඉව්වා මතකයි අපි දෙන්නා
ඔංචිලි පැද්දා මතකයි අපි දෙන්නා
මෙතුවක් එක් වී වැඩුණත් අපි දෙන්නා
අද හිනැහෙන්නේ කොයි ලෙස දෝ මන්දා

තනිමංසල මට ඔබ මුණ ගැසෙනු නොවේ
තනිපංගලමේ ගෙන් වෙට යන්ට නොදේ
වපරැස් බැල්මට පිවිතුරු ලෝකය නොපෙනේ
අවිහිංසක මුදු සිතුවිලි මල් පරවේ

ඔබ ඉන්නා තැන තුඟු මහා පවුරු බැඳේ 
තහනම් දේශය ඔබ සැරිසරන ලොවේ
මිනිසුන් වූ අප යළි පොඩි දරු දෙපළ නොවේ
ඔබ මා තනි වන දවසක් නැවත නො ඒ

වැලි බත් ඉව්වා....