සිව් වසරක් තුළ

සිව් වසරක් තුළ පෙම් සිහිවටනය
නෙතු කඳුළක් වේවා
මින් මතු කිසිදා කිසිම සැඳෑවක
අප නොම හමු වේවා

සීතල පවුරේ කඳුරැළි යායේ
සරසවි පායේ තුරු සෙවනැල්ලේ
ඔබ මට අවනත පොඩි දරුවෙකු සේ
සසර දිගේ ආ මේ දිගු ගමනේ
ඉවත බලාගනු නාඳුනනා සේ
මින් මතු හමුවී අප දෙදෙනා

සිව් වසරක් තුළ ....

හිමගිරි සෙවණේ දිය සීරාවේ
නාමල් යහනේ තුරු මේලාවේ
නිහඩව වැළපෙන ඒ පෙම් සටහන් 
මීදුම් සළුවක මැකී ගියාවේ 
ඉවත බලාගනු නාදුනනා සේ
මින් මතු හමුවී අප දෙදෙනා

සිව් වසරක් තුළ ...