සංහිඳේ දෙවියන්ගෙ පාමුල

සංහිඳේ දෙවියන්ගෙ පාමුල කඳුළු තියලා එන වෙලේ 
වැව් කොනේ තනි එකා ඉඳලා දිවුල් හෙව්වද උඹෙ කුසේ 
අඳුර ඇඳගෙන ඇත්තු ඇවිදින හරිම මූසල මණ්ඩියේ 
වැවේ දෙවියනි මේ තියෙන්නේ අපි උදේ කෑ වැල් අලේ 

රැහැයියෝ ඔය ජප කරන්නේ වැදුම් ගෙදරක මන්තරේ 
පොඩි එකා ඇහැ පියාගන්නැති දකින්නට පෙර කිරි කලේ 
වී දෙපෑලක් උගස් කරලා ගෙනත් ඇති පංචායුදේ 
අලි හිතක් ඇයි අඩිය තිබ්බේ පොඩි පුතා සැතපුණු කුසේ 

කනාමැදිරියො එළිය නිවලා ගුලිවෙලා ඇති මගෙ පැලේ 
ගහක් මුදුනට හඳත් නැගලා බලා ඉන්නැති මර බයේ 
මිරිස් හේනක දුව පනින්නට පුතත් එක්කල මහ වනේ 
නංගියේ උඹ ඇවිත් යනවද හීනයක හෙට කළුවරේ

සංහිඳේ දෙවියන්ගෙ පාමුල....