අපි දෙන්නා අත් වැල් බැඳ

අපි දෙන්නා අත් වැල් බැඳ පාසැල් ගිය මඟ පුරා
වැහි වතුරින් නිලා වැහිලා ඔරු පැද ගිය වෙල පුරා
මතකය රන් සිතුවමක් වෙලා සිහිනය සේ අදත් එයි ගලා //

ඒ දණ්ඩේ හිත සැලි සැලි නෙතු විදහා ඔබ හිටියා
මා අත ගෙන ඉන් එතෙරට අත අත් නොහැරම සිටියා
ඒ අත අද අන්සතු වීදෝ //
ඒ දඩු ගඟටම බිලිවීදෝ //

අපි දෙන්නා අත් වැල් බැඳ .....

රෑ පින්නේ සඳ මල යට පැල් රකිනාවිට තනියේ
කවි කියනා නුඹගේ හඩ සුළඟ දිගේ ආ දිනයේ
දුන් පොරොන්දු මට සිහිවෙනවා //
නුඹ නොපෙනී නෙතු බොඳ වෙනවා //

අපි දෙන්නා අත්වැල් බැඳ ......