දන් දුන් පසු ඇස් ඉස් මස් ලේ මව් බිමට

දන් දුන් පසු ඇස් ඉස් මස් ලේ මව් බිමට
තවත් දෙයක් නෑ තිබුනේ ඉතිරිව අප ළඟ
ලේ වඟුරා සටන් බිමෙන් සමුගත් දවසක
සෙවන උනේ සොඳුරු පියස රණවිරු සෙවන

නොපෙනුනාට අපට ඇසෙයි දුම්රිය යන හඬ
නෑසුනාට ඇඟට දැනෙයි බිම දෙදරන බව
කිහිලි කරුවෙ ආධාරෙන් නැගී සිටින විට
ඈත පෙනෙයි දුම්රියපොළ නගරය රාගම

ආබාදිත උනත් සොයුර නෑ තැවෙන්නෙ තව
මවු පොළොවට බරක් නොවෙයි අපි කිසි දවසක
යුධ බිය නැති රටක සිරිය බලන්න නැති එක
තමයි අපිට පොඩ්ඩක් හරි හිතට තියෙන දුක