මතක පුස්තකාලේ

මතක පුස්තකාලේ සැරිසරන්න ආවේ 
මතක පුස්තකාලේ කියවන්න ආවේ
ඔබට ගීතයක් ලියන්න හේතු කරුණු රැස් කරන්න
ඔබ මා ළඟින් ඉඳීද නැද්ද දන්නෙ නෑ කියන්න
මගේ මතක පුස්තකාලයේ ඔබ සොයන්න ආවේ...

කතා පොත් පිරෙන්න රචිත මතක පද ගයන්න
මා එක්ක එන්න වේදිකාවෙ ඈදිගන්න
සමුදීමේ වතාවත් පුරන්න පෙර වතාවක්
අහන් ඉන්න එනවාද ගීතවත් කතාවක්
එ ආලෙ වර්ණවත්ම කාලෙ යායෙ මල් පිපිච්ච වාගෙ
ප්‍රාර්ථනා එකතු කරපු මතක පුස්තකාලෙ
ඔබ සොයන්න ආවේ...

වැලලී ගියපු ආදරයට ස්මාරකයක් වෙන්න
මා එක්ක එන්න අනුස්මර්ණයක් කරන්න
සමුගැනීමේ කතාවක් නොකියා ගියත් වතාවක්
සවන් දෙන්න එනවාද මතක වර්ණනාවක්
ඒ ආලෙ කල් දමාපු කාලෙ යායෙ වල් වැදිච්ච වාගෙ
ගායනා කරන්නෙමි මේ ගීය වේදිකාවේ
මාගේ ප්‍රේක්ෂකාගාරේ හිස් ආසනයක් ඇත්තේ
ඒ ඔබෙ නමටයි සොඳුරෙ ඇවිද ඈඳිගන්න සිතුසේ
මගේ මතක පුස්තකාලයේ
ඔබ සොයන්න ආවේ...