සෙන්පතියන් ගැන

සෙන්පතියන් ගැන නැව්පතියන් ගැන කතා අහන කොට අම්මේ
මට හරි ආසයි.. මට හරි ආසයි ඒ ඇයි මගේ හොඳ අම්මේ

සෙන්පතිකමටයි නැව්පතිකමටයි නම ගිය සිංහල ආරේ 
ගති නෑරේ පුත ඒකයි ඔබ හට ඒ ගැන එතරම් ආසා

මහා පඬිදුන් ගැන මහා කිවිඳුන් ගැන කතා අහන කොට අම්මේ 
මට හරි ආසයි.. මට හරි ආසයි ඒ ඇයි මගේ හොඳ අම්මේ

මහා පඬිරුවණට මහා කිවිවරුණට තෝතැනි වූ ලක් දූවේ 
හෙළ පුතෙකුව ඔබ ඉපදුන පිනටයි ඒ ගැන එතරම් අසා 

හේන් කුඹුරු ගැන ගොපළු ලියන් ගැන කතා අහන කොට අම්මේ 
මට හරි ආසයි.. මට හරි ආසයි ඒ ඇයි මගේ හොඳ අම්මේ

ඈත එපිට සිට ගොවි රජ දහනකි සෝභන සිරිබර ලංකා 
ගොවිකම ඔබටත් උරුම නිසාවෙන් ඒ ගැන එතරම් ආසා 

එඩිතරකම් ගැන බිය නැතිකම් ගැන කතා අහන කොට අම්මේ  
මට හරි ආසයි.. මට හරි ආසයි ඒ ඇයි මගේ හොඳ අම්මේ

එඩිතරකමටයි බිය නැතිකමටයි පෙර සිට සුපතල හෙළයේ 
ඉපදුනු ඔබ තුල ඒ ගති නැති නම් ඒ නොවැ පුදුමය පුතුනේ