මනමාලිය වී සොඳුරු දිවිමග

මනමාලිය වී සොඳුරු දිවිමග ගමන් මග ඇරඹී
අපෙන් වෙන්වී යන්න පිටවී සුභ නැකත එළඹී //

සිරි මැදුර ඝනඳුර මකාලන තාරකාවිය වී
අග මෙහෙසිවී ප්‍රාණ සමයෙන් පතිනි දම් සුරකී
කැටුව යන්නය සලා චාමර ගෙනා මල් පියලි
සොඳුරු මැදුරක දොරටු විවරව මඟ බලයි හිනැහී

කඳුළු පහවී සතුට සිනහව මුව පුරා සපිරී
ජය කෙහෙලි ගී ගයා දිවියේ සදා කිරි ඉතිරී
රන් රුවන් මිණි මුතු පුරා ගිය මාලිගා ඉඳිවී
අලුත් ලොවක දි කිරුළු පළදිනු නැගණියනි සැරසී

මනාලියක වී සොඳුරු ......