සසිරි බර සැපත

සසිරි බර සැපත නොම දුටු සිරිමතිය
අයස ළඟදි මා ළඟ වුන් යසවතිය
නිරස කුල බොජුන් වැළඳූ රසවතිය
කටුක වැල් යහන සැරසූ පතිවතිය

පරමල කියා මා ගැරහූ කුසුමාවි
අඳ මා දෙනෙත දිවැසින් දුටු නයනාවි
මූදේවිය ලෙසින් මා දුටු සීදේවි
නුඹේ සොහොන ළඟ නෙත් ලදුයෙමි දේවී

වද වද මගෙම පරපුර හොද හිතින් දරා
ලැබ ලැබ කටුක දුක් ගිනි නැඟුණ බුර බුරා
විඳ විඳ අපා දුක් මට සැපත දුන් සරා
අබින්ක්මන් කළේ ඇයි මගෙ යසෝධරා