මුළු රැයක් පුරා ඔබ ඔහු ලඟ

මුළු රැයක් පුරා ඔබ ඔහු ලඟ
ජීවිතය පුරා ඔහු ඔබ ලඟ
ඔබයි ප්‍රියාදර ප්‍රියම්බිකා ඔහුගේ
මුළු රැයක් පුරා ඔහු මා ලඟ
සිරුර පමණයි හිතයි ප්‍රේමයයි ඔබ ලඟයි //

ඔහුගේ උණුසුම් ආදරයේ වාසනා හිමිකාරි ඔබ
මට හිමි හීතල සෙනෙහස පමණී
මා හිත පවසන ඉරිසියා හැඟුම් ඉතින් අසන්
මා බිරිද වන්න පෙම්වතිය වන්න ඔබ
මා තුරුල මට දෙන්න දෙන්න ඔහු

ඔහුගෙ මංගල මුදු පැළදු පාදපරිචාරිකාවී ඔබ
මා ඔහුගේ ගත සුසුමක් පමණි
මට නැතිවනුයේ හිමි සඳ සමඟින් දූ දරුදෝ
මුළු ජීවිතයම අත්වැල් බැඳ ආ
මා සෙවනට මට දෙන්න දෙන්න ඔහු

ජීවිතය පුරා මා ඔහු ලඟ
මා සිත සපුරා ඔහු මා ලඟ
ඔබද මා ද ඒ ප්‍රියම්බිකා ඔහුගේ
අප කඳුළු සිනා ඔහු වෙනුවෙනි
අපි සිනාසෙමු ඔහුගෙ නාමයෙන් වැලපෙමු
අපි සිනාසෙමු ඔහුගෙ නාමයෙන් වැලපෙමු