මගේ පැලේ අඳුර නසන්න

මගේ පැලේ අඳුර නසන්නන 
සිතනවා මනාලියක් ගෙන්න 
නිවාස පුරා එළිය කරන්න 
මට විනෝදයෙන් කාලේ ගෙවන්න//

උපන් රටේ අඟලක් නැත මගෙයි කියන්න 
මම අසරණයෙකි අතරමං වුණ 
ඔය ඉර හඳ දෙකටත් බැරි විය අඳුර නසන්න 
මම තරුවක් අද අහසේ පාවෙන//

රූප රාජිනියෝ කුමරියෝ මම සොයන්නේ නෑ 
ඔය ඉඩම් කඩම් මම බලන්නේ නෑ 
ඔය කුලමල දෑවැදි කිසිවක් මම සොයන්නේ නෑ 
ගුණවත් ලලනාවක් තවම දැක්කේ නෑ//

මගේ පැලේ ඇඳ පුටු නැත සැපට සිටින්න 
නැත සිනිඳු සේල හැඩට අඳින්න 
ඔය රන් මිනි මුතු මාල වළලු නැත පළඳින්න 
මම දුප්පත් බව නිතර සිතන්න//