ඇහැලේපොළගේ පුංචි පුතා

ඇහැලේපොළගේ පුංචි පුතා 
මද්දුම බණ්ඩාර යන නාමේ// 
සිංහල ඉතිහාස පොතේ රන් අකුරින් ලියවුනා 
එඩිතර හොඳ පුංචි පුතෙක් ලක්මෑණිට නැති වුණා 
බෝගම්බර නුවර වැවේ හැම වැලි ඇටයක් පවා 
ආඩම්බර කඳුළුවලින් - අප ශෝකය නිවනවා//

ශ්‍රී වික්‍රම රාජසිංහ රාජ අණය පතුරලා 
අම්මා සමඟ දරු තුන් දෙනෙකුට  මරණය හිමි කලා 
හිනා වෙලා අම්මා ළඟට ආ මද්දුම වීරයා 
මැරෙනා සැටි මම පෙන්වන්නම් අයියණ්ඩියේ කියා 
මම අයියණ්ඩියේ කියා....

යකඩ කඩුව අතට අරන් එන විට රුදු ගහලයා 
මරණෙට බියවී අයියා - අම්මා ළඟට පැන ගියා 
ඒ රජාගේ කෲර ගතිය වීර ලෙයින් පෙන්නලා 
මද්දුම බණ්ඩාරගේ හිස කඩු පහරින් වෙන් කළා 
කඩු පහරින් වෙන් කළා....

මද්දුම බණ්ඩාරගේ පොඩි පුංචි නංගි දෙස බලා 
වංගෙඩියට දා කොටන්න ඒ ඒ රජිදා අණ කළා 
එහෙම හිතක් එහෙම තැනක් ඉතිහාසය නෑ අනේ 
පියාගෙ නම රැක ගන්නට පුංචි පුතෙක් බිහි වුණේ 
පුංචි පුතෙක් බිහි වුණේ.....