හුස්මක් පවා

හුස්මක් පවා දැනෙන මේ රාත්‍රියේ 
කොඳුරා කියාදෙන්න මට ආදරේ
දුල් නෙත් විදාලා රහසින් බලාලා
ඉමු ළං වෙලා මේ රෑ පුරා 
පිනි මල් කඩා හැලෙන රෑ සීතලේ
මුමුණා කියාදෙන්න මට ආදරේ
දෙහදක් බැඳීලා සුසුමින් තෙමිලා
පෙම විඳිනවා රතු ලේ පවා...

අඳුරේ පවා පේන තරු නෙත් දිහා
නොසැලී බලා ඉන්න හිතුණා සදා
හැඟුමන් වෙලී උන්නු සුසුමන් පවා
තුරුලේ තියාගනිමි මගේමයි කියා
ඔබේ ආදරෙන් මගේ ජීවිතේ
මුසපත් වෙලා කඳුලක් වුණා...

හුස්මක් පවා දැනෙන...

හසකැන් මවා ඉන්න කෙහෙරැල් ලිහා
නුඹටයි මගේ හීන දෙන්නේ ලියා
පපුවේ නිදා උන්න මොහොතක් පවා
දැනුනා ළයේ ගැඹුර සනසා තියා
මේ ආත්මයෙත් මතු ආත්මයෙත්
ඉමු ළං වෙලා මියෙනා තුරා...