නොතැවෙන් සූරියකාන්තා

නොතැවෙන්  සූරියකාන්තා - සූරියකාන්තා
නොහඩන් සූරියකාන්තා - සූරියකාන්තා
 
සූරිය නාමෙන් නම ලදිමි  - සූරිය වත මෙන් රුව ලදිමි
සූරිය පැහැයෙන් සළු ලදිමි - සූරිය කුමරුනි ඔබ පතමි

පිනි මල් ගගුලෙන් මුව දෝවන්නී - මිහි මත රන් සළු පිළි පළඳන්නී
සූරිය මල නුඹ තවම තැවෙන්නී - හිනැහෙන්නයි මා දවස ගෙනෙන්නී
නෙළුම් විලේ නැත ඔබෙ ළන්දූ - සුවඳ කුළේ නැත ඔබෙ ලන්දූ
කොපමණ තැවුනත් ඔබෙ ළන්දූ - මා නොවෙදෝ ඔබ දිනු ළන්දූ

අහස පොළව කෙදිනද හමු වෙන්නේ - මලකට හිමිකමි කෙලෙස පුදන්නේ
ලොව මෙහෙවර මගෙ උරුමය වන්නේ - මා එන පෙර මග බලා සිටින්නේ
නෙළුම් විලේ නැත ඔබෙ ළන්දූ - සුවඳ කුළේ නැත ඔබෙ ලන්දූ
කොපමණ තැවුනත් ඔබෙ ළන්දූ - මා නොවෙදෝ ඔබ දිනු ළන්දූ