Home/Songs/මල් නටු වැනි පොඩි දෑත දෙපා සලන පුතන්ඩී

මල් නටු වැනි පොඩි දෑත දෙපා සලන පුතන්ඩී

Mal Natu Weni Podi Daatha Depa Salana Puthandi

Font size:
මල් නටු වැනි පොඩි දෑත දෙපා
සලන පුතන්ඩී
මගෙ අතට වෙලා ඇයිද පුතා
මේ හැටි චංඩී

විසිතුරු කෙලිබඩු නැතුවට
පොල්කටු බෙලි කටු අරගෙන
සුර කුමරුන් නොදකින සුරලොව වදිනවා
සව් සිරි නොපතා සෙනෙහෙ පතා සුරතල් වෙනවා

මල් නටු වැනි ....

විදියට කිසිවෙකු නොදන්න
අමුතු කතාවක් කියන්න
ඇඟිල් තුඩින් වැලි පොළවේ අකුරු ලියනවා
පොඩි ටිකිරි මුවින් බොලඳ වදන් වැල් ගිලිහෙනවා

මල් නටු වැනි ....

දුක දුරුකර දෙවියෙකුසේ
බිය පලවා විරුවෙකු සේ
රට දැය සමයට එක සේ අත හිත දෙන්නයි
එක පැතුම මෙදා පුතු මතුදා මිනිහෙකු වෙන්නයි

මල් නටු වැනි ....

Data

Last updated May 2026

Mathaka logoMathaka | මතක

A free, open, community-driven database preserving Sri Lankan Sinhala song lyrics for future generations.

ශ්‍රී ලාංකික සිංහල ගීතය රැකගැනීම සඳහා.

About

  • Open DataODbL
  • Community Maintained
  • 10,501 Songs

© 2026 Mathaka. Data licensed under ODbL.

Open. Accurate. Eternal.