රාජ මාළිගේ

රාජ මාළිගේ පරවියා වගේ 
ජීවිතේ මගේ මම ගෙවනවා ඔහේ 
ඉපදුනාට පස්සේ තාම මං හඬලා නෑ 
ඇඬුවත් මට කිසිම දිනක කඳුළු එන්නේ නෑ...//

මම ආදරේට ඇති කරන්නේ ඉබ්බොයි ගෙම්බොයි  
උන් නොදැක නොබල එක මොහොතක් ඉන්න බෑ අපොයි 
මේ සුරතල් සත්තු මාගේ මට රන්මුතු මැණික් වාගේ 
උන්ගේ බරට රන් දුන්නත් මම විකුණන් නෑ...//

රාජ මාළිගේ පරවියා වගේ.../

මම යන්න තමයි හිතන් ඉන්නේ ලෝකේ වටේ 
මම ගියොත් යන්නේ කවදා හරි බුරුවෙකු පිටේ 
ඉතිහාසෙට නම තියාලා ලංකාවට කොඩි දමාලා 
එහෙම මිසක් කවදාවත් මම මැරෙන්නේ නෑ 

රාජ මාළිගේ පරවියා වගේ.../