ඈතින් එන සුළං රොදේ නුබේ සුවඳ තවරලා

ඈතින් එන සුළං රොදේ නුබේ සුවඳ තවරලා
මට එවන්න මම තනියම ඔබ එනතුරු ඉන්නවා 
ඔබ ගියදා පටන්ම මගේ සිතුවිලි විල කැලඹිලා
ශිල්ප අරන් ඔබ එනතුරු ඉන්නෙමි මම මඟ බලා 

අපේ මතක ඉහිරුනු තැන් ගම පුරාම පැතිරිලා
ඒ තැන් වල නැවති නැවති පෙර මතකය සිහිකලා
සරසවියේ දොරටුව ළඟ මගේ දිවියම නැවතිලා 
එහිම ඇතුලේ කුමරියේ ඔබ ජීවිතයක් අරබලා...

යලි හිතන්නේ කොහොමද මම මගේ සිත ඔබ ගෙනියලා 
ගම් දොර ලග හැමදාමත් ඉන්නව ඔබ එනතුරා 
ශිල්ප ඉගෙන එනවිට යළි ලෝකය මිට මොලවලා
මට හිමි නැති ලෝකෙක ඔබ හිදීඳ රැජිනක් වෙලා...