හිතින් යන අය

(වසන් වන සඳ වලාකුළකට
හඬා වැටුණට තාරකාවක්
ආයෙ එන්නේ නෑ
හිතින් යන අය අතින් අල්ලා
නවත්තන්නට බෑ...
හිතින් යන අය අතින් අල්ලා
නවත්තන්නට බෑ...//)

මවාදී තරු රටා අහසේ
සිනාසී උන් තරු කිනිත්තෙන්
මලානික වූ පුංචි තරුවක්
පොළෝ තලයට කඩා වැටුණා
සරා සඳකට දරාගන්නට බෑ...
(හිතින් යන අය අතින් අල්ලා
නවත්තන්නට බෑ...//)

නිවී යන තරුවක කතාවේ
බිඳීගිය මතකයේ සැමරුම්
හිතේ ගැඹුරුම තැන තියාගෙන
ආදරේ ඉකිබිඳුම් ඇසුණා
මලානික ඇස් හිනාවෙන්නේ නෑ...
(හිතින් යන අය අතින් අල්ලා
නවත්තන්නට බෑ...//)

වසන් වන සඳ.....