එරබදු මල් තුන් තුඹ මල්

එරබදු මල් තුන් තුඹ මල් නැතුවාට 
ගිරා කුරවි කෝකිල නද නැතුවාට 
දොරකඩ තියෙන අපේ මල් මාළිගාවට 
එනවා කුමරු අවුරුදු සුභ වෙලාවට//

අරලිය මලට උණුසුම උවමනා වී 
අවුරුදු කුමරුන් එනතුරු මග බලාවි 
පැතුම් සිනා මල් මුව අග පිපේවි 
සිනා නදට අවුරුදු කුමරුන් ඒවී 

අටුව කොටුව අස්වැන්නෙන් සරු වෙන්නයි 
වාද භේද අසමගිකම් දුරු වෙන්නයි 
බක්කුල තෙරිඳු සරණින් දුක් නිවෙන්නයි 
සූර්ය බෙලෙන් නව අවුරුදු එළඹෙන්නයි// 

ඉරුණු පොළොව මල් වැස්සෙන් තෙමෙන්නයි 
හිත් දෑලම මෙත් සිසිලෙන් තෙමෙන්නයි 
සාමෙන් සම්පතින් සතුටින් පිරෙන්නයි 
අලුත් ඉරක් අපේ ලොවට නැගෙන්නයි 

එරබදු මල්...