ලස්සන නිළියේ

ලස්සන නිළියේ
නුඹ රඟනව දැන් කරලියේ
නුඹ හින්දම මං තාමත් මේ ගැලරියේ
මට අදහගන්න බැරි ජීවිත පෙරළියේ
ඉරණම විසඳමි දවසක නුඹ ඉදිරියේ
ලස්සන නිළියේ
නුඹ හින්දා මං තාමත් මේ ගැලරියේ

මේ කතන්දරේ අවිහිංසක ගෙවිලියේ
එය නුඹට ඔබින භූමිකාව සොඳුරියේ
ලෙළදෙන දේහේ රහස් ඔසුව හෙරලියේ
ඒ වගක් මොටද නේද කෝල දැරිවියේ
ලස්සන නිළියේ
නුඹ හින්දම මං ඉන්නවා මේ ගැලරියේ

හොඳ බයිස්කෝප් ලැබුනෝතින් හදිසියේ
නුඹ වෙනස් වෙලා යාවිද පැණි මුරුසියේ
ඉඩ තියන්නෙපා ලගින්න මට පොලිසියේ
නුඹ නැති නම් මට මරණෙ සැපයි කුරුසියේ
ලස්සන නිළියේ
නුඹ හින්දම මං මැරෙනවා මේ ගැලරියේ