Home/Songs/වට පිට බලන් ඉන්න

වට පිට බලන් ඉන්න

Watapita Balan Inna

Font size:
වට පිට බලන් ඉන්න හැමටම වැදලා
අපි අවසර පතලා නටනවා ගයලා
දෙන්නම් පදේ මමත් ආලප් කරලා
නුඹ නටපන් කෙල්ලේ හැඩවැඩ දාලා....

මුදලක් ඇතොත් අතේ ඔබගෙන් ලැබෙනා
දවසක් දෙකක් බඩේ ගින්දර නිවෙනා
ගැයුමක් මෙන්න අපේ සතුටක් ගෙනෙනා
වරදක් උනොත් අපට සමාව ඕනා....

වට පිට බලන් ඉන්න..../

කවදත් ඔබට මෙහෙම ගයමින් රඟනා
කොතනත් හමුවෙනවා මේ අපි දෙදෙනා
දුප්පත්කම නිසාම රට වට යනවා
හිතවත්කමට අපේ පණ හරි දෙනවා....

වට පිට බලන් ඉන්න..../

දිලිඳුන් දුකින් තැවෙයි පැරදුම ලබලා
නිරිඳුන් සුවෙන් ඉඳි සැනසුම විඳලා
වෙනසක් කිමද මෙසේ දෙපිලක් බෙදිලා
කවුරුත් එක බැම්මෙන් ඉමු අපි බැඳිලා...

වට පිට බලන් ඉන්න....///
Mathaka logoMathaka | මතක

A free, open, community-driven database preserving Sri Lankan Sinhala song lyrics for future generations.

ශ්‍රී ලාංකික සිංහල ගීතය රැකගැනීම සඳහා.

About

  • Open DataODbL
  • Community Maintained
  • 10,501 Songs

© 2026 Mathaka. Data licensed under ODbL.

Open. Accurate. Eternal.