නුරා වසන්තේ

(අඳුරේ ගිලී තනි වීලා මෙසේ 
නාඬන් ඉතින් සොඳුරී මගේ 
නොසිතා සිතා අතීතේ එදා 
බිඳුනාට මණිමේඛලා  
පිලිගන්නේ මා නුඹ සීතාව සේ 
හද මන්දිරේ සරසලා...//) 

ගංගා තරංගා පරදන්නෙපා  
ඔය දෑස කඳුලින් තෙමා 
පාවී ගියාවේ අතීතේ කතා 
සැඩ මාරුතේ රැලි හමා

නලලේ නුඹේ ඇන්ද තිලකේ පවා කියාවී මගේ ප්‍රාර්ථනා   
ප්‍රේමේ නුරා වසන්තේ ගෙනා පින්සාර ලඳ නුඹ නිසා 
පිලිගන්නේ මා නුඹ සීතාව සේ හද මන්දිරේ සරසලා

ඔය දෑසේ පා ඒ මනබන්දනා 
පෙම්වන්ත සුරතල් සිනා 

සැනසෙන්න මාගේ ලයේ සැතපිලා නව සඳ දිහා බල බලා 
භවයෙන් භවේ එන්න මතු ඉපදෙනා සංසාර පතිනිය වෙලා 

(ප්‍රේමේ නුරා වසන්තේ ගෙනා පින්සාර ලඳ නුඹ නිසා 
පිලිගන්නේ මා නුඹ සීතාව සේ හද මන්දිරේ සරසලා...//)