කඳුවැටි බිඳගෙන

කඳුවැටි බිඳගෙන -  ගං වැව් මැඩගෙන
නගරෙන් නික්මී - ගොම්මන් අඳුරෙම
ඔබේ කැදැල්ලට -  මා එන ලස්සන
සසර පුරුද්දක් වාගේ

දවසක කද බර - හෙලමින් බිම මත 
කිරුළු දරන්නට  - රජෙකු වගේ හිඳ
ආදර - පෙම් රජ - දහනේ
මා - ඔබ - වෙතටයි ආවේ//

කඳුවැටි බිඳගෙන -  ගං වැව් මැඩගෙන........../

දෑසම දල්වන් - වාරෙන් වාරෙට 
මඟ බලමින් ඔබ -  සිටිනු දකින සඳ
දවසේ - වෙහෙසක් - නෑනේ
මා - ඔබ - වෙතටයි ආවේ//

කඳුවැටි බිඳගෙන -  ගං වැව් මැඩගෙන........../
සසර පුරුද්දක් වාගේ////