රයිගමයිනෙනි

රයිගමයානෙනි ගම්පලයානෙනි කම්මැලිකම ගව්වක් පන්නා
ලාබ ලබන්නට පාඩු නොවන්නට - වෙළඳාමක් කරමුද දෙන්නා

ගම්පලයානෙනි නුවණැත්තානෙනි තමුසෙගෙ මොළයෙ ඇති මොළය
සම කෙරුවෝතින් සැක නැත ආයේ - පොල් කිරි හා දෙහි ඇඹුල

ඒක නෙවෙයි බන් මේ ටික අහපන් - අහස පාළු වී විනාසලු
දෙන්නම එකතුව බියගම පැත්තට - තල්ලු කරමු අපි වළාකුළු

ඊට වැඩිය හොද රස්සාවක් ඇත - හුළං නැතිලු හුංගම පැත්තේ
හොණ්ඩර දෙක තුන හුළං අරන් යමු - බෝතල වල ගෙන යා යුත්තේ

තවත් වැඩක් ඇත කව්රුත් කරේ නැති - දා ගත හැකි නම් පිදුරු දැලේ
කුමාරයා සහ බමුණා කියලා - චිත්තරපටියක් හදමු  බොලේ